एड्भान्स तालिम सम्पन्न

October 27, 2024

कोशी प्रदेश स्काउट कार्यालयको आयोजना एवं स्थानीय स्काउट कार्यालय, विराटनगरको व्यवस्थापनमा मिति २०८१/०७/०३ गतेदेखि सञ्चालित ६३ औं व्याय उड्व्याज र ५१ औं गर्ल्स एड्भान्स तालिम आज मिति २०८१/०७/०९ गते विराटनगर महानगरपालिका स्थानीय प्रमुख स्काउट एवं उप-प्रमुख श्री शिल्पा निराला कार्कीज्यूको प्रमुख आतिथ्यतामा सम्पन्न भएको छ । श्री सत्यनारायण माध्यमिक विद्यालय, विराटनगर -७ मा सञ्चालन भएको तालिममा महिलातर्फ राष्ट्रिय शैक्षिक पद्धति आयुक्त श्री भुवन सुब्बाज्यू र पुरुषतर्फ राष्ट्रिय कार्यकारी समिति सदस्य श्री नवल प्रसाद उपाध्यायज्यू कोर्ष लिडर रहनुभएको थियो । तालिममा कोशी प्रदेशका विभिन्न स्थानीय तहका ३० जना पुरुष र २३ जना महिला स्काउट लिडरहरुको सहभागिता रहेको थियो । प्रदेश प्रमुख आयुक्त श्री हेमन्त भण्डारीज्यूको अध्यक्षतामा भएको समापन समारोहमा विराटनगरका स्थानीय प्रमुख आयुक्त श्री नवीन पहाडीज्यूले स्वागत मन्तव्य व्यक्त गर्नुभएको थियो । कार्यक्रममा प्रदेश शैक्षिक पद्धति आयुक्त श्री शिवानी देवानज्यू, प्रदेश कार्यसमिति सदस्य श्री सन्तोष कुमार बस्नेतज्यू, प्रदेश परिषद् सदस्य श्री माया सिवाकोटीज्यू, श्री गोपाल पौडेलज्यू, स्थानीय प्रमुख आयुक्तज्यूहरु, श्री सत्यनारायण माध्यमिक विद्यालयका प्रधानाध्यापक श्री पुरुषोत्तम गुरागाँईज्यू, शैक्षिक प्रशासन महाशाखा प्रमुख श्री राम ढुङ्गेलज्यू, प्रदेश युवा परिषद् अध्यक्ष श्री किरण बुढाथोकीज्यू, स्काउट लिडरज्यूहरु, काउन्सिलरज्यूहरु, रोभर/ रेन्जरहरुको उपस्थिति रहेको थियो। कार्यक्रमको सञ्चालन प्रदेश अधिकृत श्री नवराज घिमिरेज्यूले गर्नुभएको थियो ।